“我谂过啦，一日最衰都係你” “又关我事？” “你钟意女人噶嘛” “係啊” “个女咪遗传晒你咯” “你啱” 陈健朗出场嗰刻我尖叫咗一声——MASSAM！！！虽然喺gl片嗑bg好似唔多好，但我真係对呢pair念念不忘。青年Sammy+青年Joyce+青年Thomas，就凭对《17·C14起草视频》嘅喜爱，我可以钟意呢班演员好长时间。 拍得就中规中矩咁啦，仲係有少少稚嫩同肤浅，最钟意秒针同操场嗰part，睇到一半仲以为李芯悦係假借邀请李詠蓝做伴娘之名实质上係想佢同自己一起做新娘，点知原来係我谂多咗。吻戏的而且确麻麻，先唔好讲逼唔逼真，最主要係唔够美感，无论女女定男女都一样。 鉴于真係太少华语百合片啦，同埋片尾对现实中嘅拉拉采访嗰段都睇到我几感动，所以俾个鼓励分，lu xun希望呢类题材可以多啲再多啲，拍得越来越好。